Bu iki müsəlman dövləti ABŞ üçün son olacaq - Politoloq


Tarix: 5-01-2018, 06:42
Təsiredici ünsiyyət üçün - qızıl qaydalar Qüds məsələsinə dair BMT Baş Assambleyasında ABŞ onun əleyhinə səs verən ölkələri pul yardımını kəsməklə hədələmişdi. Görünən odur ki, bu təhdidin ilk qurbanlarından biri Pakistandır.

Axar.az xəbər verir ki, bu sözləri politoloq Nəzakət Məmmədova qeyd edib. O bildirib ki, ABŞ Taliban və Hakkani şəbəkəsi ilə qənaətbəxş mübarizə aparmayanadək Pakistana təhlükəsizlik sahəsində göstərdiyi yardımı dayandırmaq barədə qərar qəbul etməyə hazırlaşır:

"Prezident Trampın bir müddət əvvəl Pakistanı 15 il ərzində Amerikadan 33 milyard dollar almasına baxmayaraq, guya xaos agentlərinə, terrorçulara sığınacaq verməkdə ittiham etməsindən sonra bu ölkəyə verilən 255 milyon dollar dayandırıldı. Hətta verilən pulların təyinatı üzrə xərclənməməsi barədə ittihamlar səsləndirildi, Pakistan isə xərclənən hər dolların hesabını verməyə hazır olduğunu bildirdi. Bundan başqa, Pakistan dini azadlıqların olmadığı ölkələr siyahısına salındı. Ehtimal ki, ABŞ artıq öz təhdidlərini həyata keçirməyə başlayıb".

Politoloq vurğulayıb ki, bu ölkə ilə münasibətləri pisləşdirmək ABŞ-ın Cənubi Asiyadakı mövqelərinin zəifləməsinə səbəb ola bilər:

"Yeganə nüvə silahına malik müsəlman ölkəsi Pakistan ABŞ-ın Əfqanıstandakı antiterror adlandırdığı əməliyyatlarda mühüm rol oynayır. Əslində isə Əfqanıstan Asiyaya, Çinə və isti dənizlərə çıxışı olan mühüm geosiyasi mövqeyə malik ölkədir və Pakistan olmadan Əfqanıstandakı NATO kontingentinə logistik dəstək çətinləşə bilər. Hazırda ABŞ-la böyük rəqabətdə olan İngiltərə Hindistanda Əfqanıstana yaxın sərhədyanı ərazilərdə gizli emissarlar ordusu saxlayır. Çin də ABŞ-ın Asiyada hərbi iştirakından narahatdır. Belə bir şəraitdə ənənəvi olaraq Rusiya və İngiltərə ilə yaxın olan Hindistanla Kəşmir münaqişəsi səbəbindən qarşıdurma yaşayan Pakistan Hindistana balans, Çinin irəliləməsi qarşısında böyük səddir. Belə bir strateji dövlətlə münasibətlərin soyuqlaşması ABŞ-ın böyük geosiyasi uğursuzluğu olacaq".

Politoloqun sözlərinə görə, Pakistan həm də İrana yaxın olduğu üçün əhəmiyyətlidir:

"Türkiyə ilə eyni vaxtda Pakistanın da itirilməsi ABŞ və NATO üçün Asiyada böyük sonun başlanğıcı ola bilər".

Qeyd edək ki, ABŞ Prezidenti Donald Tramp Pakistana təhlükəsizlik sahəsində yardımın dayandıracağını bəyan etmək niyyətindədir.


Hafiz Aslanov.


Ana səhifəyə qayıt

Axtariş

Donate

Reklam

Hava Haqqında
Sayğac

create gmail account gmail sign in gmail sign up